ශ්‍රී ලංකාවේ ප්‍රධාන ම වාණිජ නගරය තුළ පිහිටා ඇති කොළඹ අධ්‍යාපන කලාපය ශ්‍රී ලංකාවේ බස්නාහිර පළාතේ පිහිටි ප්‍රධානතම අධ්‍යාපන කලාපයකි. කොළඹට තදාසන්න ප්‍රදේශවල පිහිටා ඇති රජයේ පාසල්, පෞද්ගලික පාසල්, අර්ධ රාජ්‍ය පාසල්, පිරිවෙන් සහ සියලුම අධ්‍යාපන ආයතනවල පරිපාලන කාර්යය හා අධ්‍යාපන ගුණාත්මක සංවර්ධනය මෙහෙයවනු ලබන්නේ කොළඹ කලාප අධ්‍යාපන කාර්යාලය මගිනි. එහි රජයේ පාසල් 123 ක් ද අර්ධ රාජ්‍ය පාසල් 10 ක් ද පෞද්ගලික පාසල් 10 ක් හා පිරිවෙන් 10 ක් පිහිටා ඇත. මෙම අධ්‍යාපන කලාපය , උතුරු කොළඹ, මැද කොළඹ, දකුණු කොළඹ, බොරැල්ල වශයෙන් ප්‍රධාන කොට්ඨාස හතරකින් සමන්විතය. වාර්ෂිකව තේමා පාදකව නව්‍ය වූ වැඩසටහන් නිර්මාණය කිරීම තුළින් නව ඉගෙනුම් ක්‍රමෝපායයන් ඔස්සේ යමින් කලාපයේ අධ්‍යාපන සංවර්ධනය ඉහළ නංවා ගැනීම කොළඹ අධ්‍යාපන කලාපයේ ප්‍රධානතම අරමුණ වේ. මේ සදහා කලාපයේ ගුරුවරුන් පෝෂණය කිරීමටත් ශිෂ්‍යයින්ගේ සාධන මට්ටම ඉහළ නැංවිමටත් විෂය භාර අධ්‍යක්ෂවරු, කොට්ඨාස අධ්‍යාපන අධ්‍යක්ෂවරු, ගුරු උපදේශකවරු එකසේ කැප වී සිටිති. ගුරුවරුන් හා විදුහල්පතිවරුන් ද තම කාර්යභාරය නොපිරිහෙලා ඉටු කිරිමට මැනවින් වගබලා ගැනීම ප්‍රසංශනීය ය.